පද්මිණි ප්‍රකාශ් - ඉන්දියාවේ පළමු transgender ප්‍රවෘත්ති නිවේදිකාව

එක්සත් ජනපදය ආදී බටහිර රටවලින් ඇරඹි transgender සංස්කෘතියේ විප්ලවය දැන් ඉන්දියාවට පැමිණ තිබේ.ආසන්නතම උදාහරණය පද්මිණි ප්‍රකාශ් නම් transgender ප්‍රවෘත්ති නිවේදිකාවයි.31 හැවිරිදි ප්‍රකාශ් තමිල්නාන්ඩු ප්‍රාන්තයේ Coimbatore නගරයේ දෙමළ රූපවාහිනී නාලිකාවක සේවය කරයි.ඇය ඉන්දියාවේ රූපවාහිනී නාලිකාවක ප්‍රවෘත්ති ඉදිරිපත් කල පළමු නිවේදිකාව බවට පත් ව තිබේ.ඇය transgender ප්‍රජාවගේ අයිතීන් වෙනුවෙන් පෙනි සිටින ක්‍රියාකාරිනියකි.ඒ වෙනුවෙන් ඇය දැඩි කැපවීමකින් කටයුතු කරයි.ඇය Coimbatore නගරය කේන්ද්‍රකරගෙන ක්‍රියාත්මක වන Lotus News නම් නාලිකාවේ සේවය කරයි.මාසයකට පමණ පෙර ඇයව එම නාලිකාවේ ප්‍රවෘත්ති නිවේදිකාවක් ලෙස උසස් කර තිබේ. ඒ රාත්‍රී 7 ප්‍රවෘත්ති ප්‍රකාශය ඉදිරිපත් කිරීමටය.

" පද්මිණි මහන්සි වෙලා වැඩ කරන නිසා ඇයට කරන උදව්වක් ලෙසයි මෙවැනි දෙයක් කලේ" Lotus News නාලිකාවේ ප්‍රධානියා වන  GKS Selvakumar, the Times of India  පුවත්පතට එලෙස ප්‍රකාශ කර තිබේ. "අත්හදා බැලීමක් ලෙස කල මේ දෙයින් අපි තේරුම්ගත්තේ ප්‍රවෘත්ති නිවේදිකාවක් ඇයට හොඳ තැනකට පැමිණිය හැකි බවයි" ඔහු තවදුරටත් කියා සිටියේය.

අගෝස්තු මස 15 වන දින එනම් ඉන්දියානු නිදහස් දිනය දා ප්‍රවෘත්ති නිවේදනයක් ඉදිරිපත් කිරීමත් සමග ඇය ඉන්දියාවේ ප්‍රථම transgender ප්‍රවෘත්ති නිවේදිකාව බවට පත් විය.

                                            විඩියෝව : පද්මිණි ප්‍රවෘත්ති ප්‍රකාශයක් ඉදිරිපත් කරන අවස්ථාවක්

"මම හුඟක් කණස්සල්ලෙන් සිටියේ මොකද මගේ වාග් විලාසය සහ නොසැලෙන සුළුව ප්‍රවෘත්තිය ඉදිරිපත් කිරීමට මා සැලකිල්ල දැක්විය යුතු නිසා .මම හිතනවා ප්‍රේක්ෂකයෝ මාව තේරුම් ගනීවි යැයි කියා." - පද්මිණි

ඉන්දියාවේ තුන්වන ලිංගිකයින් පිළිගන්නා බව ශ්‍රේෂ්ඨාධිකරණය තීන්දුකල පසු

පසුගිය අප්‍රේල් මාසයේ දී ඉන්දියානු ශ්‍රේෂ්ඨාධිකරණය  තුන්වන ලිංගිකයන් පිළිගන්නා ලදි.නමුත් ඒ ඔස්සේ රජයේ ආකෘති පත්‍රවල වෙනම පෙළක් (තුන්වන ලිංගිකයන් වෙනුවෙන් )නිර්මාණය නොවීය.ඉන්දියාවේ ප්‍රජාව ජීවත් වන්නේ ගණිකා වෘත්තිකයන් හෝ යාචකයන් ලෙසයි.ඔවුන්ට සමාජයේ පහළම ස්ථානයක් හිමිව තිබේ.ඔවුන්ට රැකියා ලබා ගැනීම අතිශය දුෂ්කර කටයුත්තකි.වෛද්‍යවරුන් පවා ඔවුන්ට ප්‍රතිකාර කිරීම ප්‍රතික්ෂේප කරයි.පොලිස් නිලධාරීන්ගෙන් ඔවුන්ට නිතරම කරදර හිරිහැර සිදුවේ.උසාවි නියෝගය ඔස්සේ ඔවුන්ට සමාජයේ අනෙක් ලිංගිකයන්ට හිමි අයිතිවාසිකම් ලබා ගැනීමේ හැකියාව ලැබී තිබේ.

"සැම මනුෂ්‍යයෙකුටම තමන්ගේ ලිංගිකත්වය තෝරාගැනීමේ අයිතිය තිබේ" යනුවෙන් අධිකරණය ප්‍රකාශ කර තිබේ.

Hijra ප්‍රජාව(ඉන්දියාව තුල transgenders හඳුන්වන්නේ මේ නමින්ය ) ඉන්දියාව බ්‍රිතාන්‍ය පාලනයට නතුවීමට පෙර සිටම පිළිගත් ප්‍රසිද්ධ සමාජයකි. "ඔවුන් ඉන්දියාවේ ශුද්ධ වූ ග්‍රන්ථ වන මහාභාරතය සහ කාම සූත්‍ර ආදියේ පවා ප්‍රකටය.ඔවුන් මෝගල් අධිකරණ වල පවා වැදගත් පදවි දරා තිබේ" යැයි බ්‍රිතාන්‍යයේ Guardian පුවත්පත කියා සිටියේය.

පද්මිණි සේවය කරන Lotus News නාලිකාවේ නිලධාරියෙක් කියා සිටියේ " ඇය අනෙක් නිවේදිකාවන්ට වඩා හොඳින් ඉදිරිපත් කිරීම සිදුකරන බවයි.තවද ඇගේ ඉදිරිපත් කිරීමෙන් පසු ඇය පිළිබඳව ප්‍රේක්ෂකයන්ගෙන් යහපත් ප්‍රතිචාර ලැබී තිබෙන සහ  බොහොමයක් ආයතන ප්‍රජාව දිරිගන්වන්නේ නැහැ,අපිට අවශ්‍ය එම තත්ත්වය වෙනස් කර ප්‍රජාව දිරිගන්න සුලු අවස්ථාවන් ඔවුන්ට ලබා දීමටයි" ඔහු තවදුරටත් කියා සිටියේය.

පසුගිය සමයේ සිදුකල සමීක්ෂණ වලින් හෙළිවූයේ ඉන්දියාවේ transgender ප්‍රජාව 490,000  සිටින බවයි.

පද්මිණී ඇගේ ලිංගික අනන්‍යතාවයේ ව්‍යාකූලත්වය නිසාම හිරිහැරට භාජනය වූවෙකි. ඒ නිසාම ඇයට පාසල හැරයාමට පවා සිදුවිය.ඇගේ පවුල පවා ඇයව භාර ගැනීම ප්‍රතික්ෂේප  කරන ලදි. ඒ ඇයට වයස අවුරුදු 13දීය.ඉන් පසු ඇය පවුලේ අය සමග සබඳකම් පවා අතහැර දමන ලදි.දැන් ඇය තම සහකරුවා සහ දරුකමට ගත් පිරිමි දරුවා සමග සතුටින් ජීවත් වෙයි.

Rose Venkatesan

"ඇය දැඩි වගේ අධිෂ්ඨානශීලී පුද්ගලයෙක් ,ඒවගේම මම දන්නවා ඇයට පුලුවන් මේ පීඩනය හසුරවගන්න" ඉන්දියාවේ පළමු transgender රූපවාහිනී  talk show host වන Rose Venkatesan විසින් මෙලෙස පද්මිණී පිළිබඳව Times of India පුවත්පතට ප්‍රකාශ කර තිබේ.